وزیراعظم نے اج ٹویٹ دے ذریعے این آر او منگیا اے ، مسلم لیگ (ن)

اسلام آباد(پنجابی میڈیا گروپ) مسلم لیگ (ن) نے آکھیا اے کہ وزیراعظم عمران خان نے اج ٹویٹ دے ذریعے این آر او منگیا اے ، پرڈشیٹ نے اک آمر تے تہاڈے دے خلاف چارج شیٹ دتی اے۔ لیگی رہنمائواں مریم اورنگزیب تے مصدق ملک نے مشتر کہ پریس کانفرنس کردیاں ہویاں آکھیا جہڑا ملک وچ آٹا، چینی چوری دی گل نہ کرن ۔عمران صاحب اینج نہیں ہو سکدا۔ اوہناں نے مزیدآکھیا اے کہ اج جدوں عمران خان اٹھدے نیں تے ترلے تے منتاں کردے نیں۔ اوہناں نے آکھیا کہ پراڈشیٹ نے اک امر تے تہاڈے خلاف چارج شیٹ دتی اے۔ اوہناں نے آکھیا اے کہ براڈ شیٹ نے پاکستان دے فرسودہ نظام دا مونہہ کالا کردتا اے۔ اوہناں نے مزیدآکھیا اے کہ پرویز مشرف نے اک پرائیویٹ فرم نوں چھ سو کروڑ دتے۔ اک آمر نے وزیراعظم نوں اتار کے ایہہ کم کیتا تے اوہ چھ سو کروڑ دتا کہ نوازشریف دے خلاف کیسز بنائے جان۔ اوہناں نے آکھیا ے کہ تھوڑی جی اخلاقی جرات نہ ہووے تے براڈ شیٹ نے تہان تے اک آمر دے خلاف چارج شیٹ دتی۔ مریم اورنگزیب ہوراں نے مزیدآکھیا اے کہ اک منتخب وزیراعظم دے خلاف مقدمہ بنان داآکھیا گیا 72ورھیں توں ایہدا جواب نہیں آوے گا۔ چھ ماہ پہلاں رجسٹرڈ ہون والی کمپنی نوں چھ سو ارب دتے گئے۔ اوہناں نوں اک لسٹ تی سے سیاسی حریفاں دے خلاف کیسز بنان داآکھیا۔ موجودہ دور وچ شہزاد اکبر براڈ شیٹ دے نال مزاکرات دا کوئی سرکاری معاہدہ نہیں ۔