اج رات گوجرانوالہ وچ عوام دا سمندر سلیکٹڈ نوں جواب دیے گا: بلاول بھٹو

لالہ موسی(بھلیکھا ٹی وی )بلاول بھٹو نے آکھیا اے کہ اج رات گوجرانوالہ وچ عوام دا سمندر سلیکٹڈ نوں جواب دیئے گا، قربانی کافی دے دتی، ہن ساڈے خون نال انصاف کرنا ہوئے گا، قائداعظم دے وعدے نوں اج تک پورا نہیں کیتا جاسکیا۔ چیئرمین پیپلزپارٹی بلاول بھٹو نے پریس کانفرنس کردیاں آکھیا کہ پی ڈی ایم دی تحریک دا پنجاب دے دل گوجرانوالہ توں آغاز ہو رہیا اے، پیپلزپارٹی دے قافلے دی قیادت آپئیکر رہیا وآں، پیپلز پارٹی دا قافلہ اج رات گوجرانوالہ ضرور پہنچے گا، کارکناں اُتے ایف آئی آر کٹیاں جا رہیاں نیں، گھراں دا گھیراو کیتا جا رہیا ہے، وزیراعظم نے آکھیا سی احتجاج کرنا چاہندے او اسی تہانوں کنیٹنر تے روٹی پانی دیاں گے، عمران خان نے تے ساڈے رستے وچ کنٹینر رکھ دتے۔