پنجاب حکومت جلسے دے شرکا نوںرومال وی دیوے تاکہ اوہ اپنا منہ لُکا سکن: شبلی فراز

اسلام آباد(بھلیکھا ٹی وی )وزیراطلاعات شبلی فراز نے آکھیا ایکہ اج پی ڈی ایم دے بینراں تھلے جمہوریت دے نام اُتے جمع ہون والے دراصل اپنی کرپشن چھپان لئی اکٹھے ہوئے نیں، پنجاب حکومت جلسے دے شرکا وچ رلت کرن والیاں نوں رومال دیوے تا کہ اوہ اپنا منہ لُکا سکن۔سینٹ اجلاس نال خطاب کردیاں ہوئے وزیراطلاعات سینٹر شبلی فراز نے آکھیا کہ عمران خان دے خلاف ا ج 9سیاسی جماعتاں اکٹھیاں ہوئیاں نیں،سارے کرپٹ عمران خان دے خلاف جمع ہو گئے مگرایہ عمران خان دی ثابت قدمی نوںمتزلذل نہیں کرسکدے۔ایہ ملک اوہی اے جتھے اوہناں لوکاں دی حکومت رہی، ایس دے باوجود اج گلہ کر رہے نیں مہنگائی اے، ایہ سب اوہناں دی ہی ناقص پالیسیاں دا نتیجہ اے۔ کوئی شک نہیں ملک وچ مہنگائی اے، اگلے4ہفتیاں وچ اپئی بہتری دیکھین گے۔شبلی فراز نے آکھیا کہ اوہناں نوںچیلنج کیا سی کہ جناح اسٹیڈیم بھر کے وکھائو، اوہناں نے پہلاں ہی شکست تسلیم کر لی تے آدھے اسٹیڈیم نوں اسٹیج بنا دیا، ایہ اوہ لوگ نیں جومنہ وکھان دے قابل نہیں۔ اوہناں نے40سال حکومت کیتی آج ویکرپشن دا دور واپس لیانا چاہندے نہیں۔ عمران خان نے د وناں جماعتاں دی پارٹنر شپ ختم کیتی تے اوہناں نوں ووٹ دی عزت تے جمہوریت دا خیال آ گیا۔ وزیراطلاعات نے آکھیا کہ حکومت نے جلسے دے شرکا نوںماسک تے سینیٹائزر فراہم کیتے نیں