پی ڈی ایم دا دُجا پاور شو وی پہلے دی طرح ناکام ہوئے گا: فیاض چوہان

لہور(بھلیکھا ٹی وی )وزیر اطلاعات پنجاب فیاض الحسن چوہان نے آکھیا اے کہ آج پی ڈی ایم دا دُجا پاور شو وی پہلے دی طرح ناکام ہوئے گا۔وزیر اطلاعات پنجاب فیاض چوہان نے ہور آکھیا کہ18اکتوبر2007نوں سانحہ کارساز وچ پیپلز پارٹی دے سینکڑاں بے گناہ کارکنان طالبان دے ہتھوں شہید ہوئے۔ اج کراچی جلسے دی صدارت تحریک طالبان پاکستان دے نظریاتی تے روحانی سرپرست کر رہے نیں۔ حالات دی ستم ظریفی نے پیپلز پارٹی نوں اپنے نظریات تے شہدا توں غداری تے بے وفائی اُتے مجبور کر دتا اے۔ زرداری خاندان صرف اپنی کھرباں ڈالر دی کرپشن، نیب ریفرنسز تے قید توں بچن لئی سارے جتن کرن جا رہا ہے۔