نوشہرہ: تحریک انصاف دے دو گروپاں وچ فائرنگ، اک شخص جاں بحق، دُجا زخمی

نوشہرہ(بھلیکھا ٹی وی) نوشہرہ دی یونین کونسل نواں کلے وچ تحریک انصاف دے دو گروپاں وچ فائرنگ نال اک شخص جاں بحق جد کہ دُجا شدید زخمی ہوگیا۔
نوشہرہ کلاں یونین کونسل نواں کلے وچ تحریک انصاف دے دو گروپاں وچ تصادم ہوئیا جس دے دوران فائرنگ نال اک شخص جاں بحق تے دُجے دی حالت تشویش ناک اے۔ جاں بحق تے زخمی شخص نوں قاضی میڈیکل کمپلیکس منتقل کردتا گیا۔آج سہ پہر وزیر دفاع پرویز خٹک دا جلسہ یونین کونسل نواں کلے دی جناز گاہ وچ ہون والا سی جس اُتے دو گروپاں نے اک دُجے اُتے اندھا دھند فائرنگ کردتی۔ دوناں گروپاں دا تعلق پاکستان تحریک انصاف نال اے۔ اک گروپ وزیر دفاع پرویز خٹک دا حمایتی جد کہ دُجا گروپ پرویز خٹک دے بھرہا صوبائی وزیر آبپاشی لیاقت خٹک دا حمایتی اے۔