اپوزیشن نوں کسے قسم دی رعایت ہن نہیں ملے گی: وزیراعظم

اسلام آباد: وزیراعظم عمران خان نے اپوزیشن دے خلاف جارحانہ حکمت عملی اپنان دا فیصلہ کردیاں ہوئیاں میاں نوازشریف دی واپسی لئی اقدامات تیز کرن دی ہدایت کر دتی اے۔ وسیلیاں دے مطابق وزیراعظم دی زیر صدارت پولیٹیکل کمیٹی دا اہم اجلاس ہویا جہدے وچ ملک دی تازہ سیاسی صورتحال تے مشاور ت کیتی گئی۔ وزیراعظم نے اپوزیشن دے خلاف جارحانہ حکمت عملی اپنان دا فیصلہ کردیاں ہوئیاں پارٹی رہنماواں نوں گائیڈ لائنز توں آگاہ کر دتا اے۔

اجلاس وچ فیصلہ کیتا گیا کہ کرپشن مقدمیاں نوں ہر صورت منطقی انجام تک اپڑای اجائے گا۔ ہن اپوزیشن نوں کسے قسم دی رعایت نہیں ملے گی۔ وزیراعظم نے نوازشریف دی وطن واپسی لئی اقدامات تیز کرن دی وی ہدایت کیتی۔ اجلاس وچ اپوزیشن جماعتاں دے ریاست مخالف بیانیے تے وی مشاورت کیتی گئی تے فیصلہ کیتا گیا کہ ایہدا بھرپور جواب دتا جائے گا۔ وزیراعظم عمران خان نے اجلاس دے شرکاء نوں ہدایت کیتی قنون دی خلاف ورزی کرن والیاں نال سختی نال نبڑیا جاوے۔

اپنا تبصرہ گھلو