آرمی چیف جنرل قمر جاوید باجوہ نال سوئس سفیر دی ملاقات، اہم امور تے گل بات

راولپنڈی: آرمی چیف جنرل قمر جاوید باجوہ نال پاکستان تے افغانستان لئی سوئٹزر لینڈ دے سفیر نے ملاقات کیتی۔ اوہناں نے خطے وچ امن تے تنازعات توں بچن لئی پاکستان دی کوششاں نوں سراہیا۔ پاک فوج دے شعبہ تعلقات عامہ (آئی ایس پی آر) دے مطابق آرمی چیف جنرل قمر جاوید باجوہ نال پاکستان تے افغانستان لئی سوئٹزر لینڈ دے سفیر Benedict de Cerjatنے ملاقات کیتی۔ دوواں رہنماواں وچکار ملاقات وچ باہمی دلچسپی دے امور تے علاقائی سلامتی دی صورتحال تے گل بات کیتی گئی۔ سوئس سفیر نے پاکستان تے سوئٹزر لینڈ وچکار تعلقات نوں سراہیا۔ اوہناں نے دوواں ملکاں وچکار تعلق نوں ہور مضبوط بنان دے عزم نوں دہرایا تے آکھیا پاکستان نے خطے وچ امن تے تنازعات توں بچن لئی شاندار کردار ادا کیتا اے۔