2مہینے وچ مہنگائی دے جن نوں بوتل وچ بند کر دتا جائے گا: شیخ رشید

راولپنڈی: وزیر ریلوے شیخ رشید دا کہنا اے 2مہینے وچ مہنگائی دے جن نوں بوتل وچ بند کر دتا جائے گا۔ راولپنڈی وچ کشمیری تنظیم دی تقریب نال خطاب کردیاں وفاقی وزیر شیخ رشید آکھیا اپوزیشن کہندے اے اسیں جنوری وچ جا رہے آں، اصل ایجنڈا سینٹ الیکشن روکنا اے حکومت مارچ وچ سینٹ الیکشن جتے گی، پاکستان دے خلاف بین الاقوامی دباء ودھایا جا رہیا اے تے ملک دے اندر وی خلفشار پیدا کرن دی کوشش کیتی جا رہی اے۔

شیخ رشید آکھیا اپوزیشن دا کوئی متفقہ ایجنڈا نہیں مولانا فضل الرحمان کہندے نیں نویں الیکشن، بلاول قومی حکومت جد کہ مریم سب نوں لپیٹن دے حق وچ نیں، اپوزیشن نوں کجھ نہیں ملے گا جھاڑو پھرے گا۔ مہنگائی دی وجہ ایہ اے کہ ملک نوں انتہائی بے دردی دے نال لٹیا گیا اے۔ اپوزیشن جہڑی فوج نوں برا بھلا کہہ رہے نیں اوہنے ہر مشکل وچ قوم نوں بچایا اے۔ وزیر ریلوے آکھیا راولپنڈی وچ تھانہ، پٹواری سیاست نہیں اے، راولپنڈی وچ جلد تیجی یونیورسٹی وی بنائی جائے گی، وزیراعظم عمران خان جلد نویں حسن ابدال ریلوے سٹیشن دا افتتاح کرن گے۔

اپنا تبصرہ گھلو