پنجاب دی گل
عتیق انور راجہ
دیس پنجاب دی گل کراں گا
اپنے خواب دی گل کراں گا
اپنی میں نہیں کرنی ایڈی
آپ جناب دی گل کراں گا
طوفاناں نوں تھم کے پہلے
فیر شباب دی گل کراں گا
جنہوں پڑھدا اے یار اَساں دا
اوس کتاب دی گل کراں گا
یار دے مُکھ تے چمکن والے
میں مہتاب دی گل کراں گا
ہور عتیق نہیں آندی مینوں
میں پنجاب دی گل کراں گا
Users Today : 435
Users Yesterday : 469
Total Users : 723539
Views Today : 9174
Total views : 11559529
Who's Online : 11
