منے پرمنے شاعر، کہانی کار تے سوجھوان خالد حسین تھتھال

Khalid Hussain Thathal

خالد تھتھال اک چنگا شاعر تے بیبا بندہ سی ، لوکاں دے کم آون والا ، وڈیاں دا آدر
اوہنوں جیویں گڑھتی وچ ملیا سی، شفقت تنویر مرزا ہوراں نال اوہدی جُڑت مثالی سی

جان پچھان:
خالد حسین تھتھال اوسلو یونیورسٹی ناروے تیں سوشل ا ینتھروپالوجی وچ ماسٹر ڈگری کیتی۔ ہور مضامین ہسٹری آف آئیڈیاز تے جنرل اینڈ کمپیریٹو لٹریچر پڑھے۔
اقوام متحدہ دے ڈائریکٹر جنرل آفس جنیوا دی انفارمیشن سروس تیں گریجوایٹ کورس کیتا اے۔ ناروے ریڈیو دی اردو سروس تیں کئی سال معلوماتی پروگرام ’’بات سے بات ‘‘ کردے رہے۔ ا دبی سنگت اوسلو نوں بڑے سال آہر نال چلا ندے رہے۔
پنجابی وچ کہانیاں دا مجموعہ’’نویں لو ‘‘ ۱۹۸۵ء، شاعری ’’انمُلے پھُل‘‘ ۱۹۹۱ء، ’’تلی اُتے چھالے‘‘ ۲۰۰۲ء، ’’بھنڈا بھنڈار‘‘ مضامین ۲۰۰۳ء، ’’سُفنے بیجے برف وچ‘‘ شاعری (کھدر پوش انعام یافتہ) ۲۰۱۶ء وچ چھپیاں، ’’جیون جوبن رُت بہار‘‘ اوہناں دی نویں کتاب اے۔
پنجابی شاعری، کہانیاںتے لکھتاں جن ساہت، پٹیالہ، امروز، پنجابی ادب، سانجھاں، ماں بولی، ساہت (ورھے وار)، رویل، سورج مُکھی(کتاب لڑی)، پنچم، سویر انٹر نیشنل، خبریں، سانجھ، بھُلیکھا، خبراں، لاہور، پنجابی عالم، چندی گڑھ، وچار (ڈاٹ کام) تے اجیت ، ٹورنٹو وچ چھپیاں۔
اُردو شاعری تے لکھتاں تخلیق، غنیمت، لاہور، ارتکاز، کراچی، حال حوال (ڈاٹ کام)، کاروان (ڈاٹ این او) شاعر، ممبئی تے انشاء، کلکتہ وچ چھپی اے۔
نارویجن شاعری ’داگ بلاد ‘ وچ چھپدیاں رہیاں اے۔
اوسلو وچ پاکستان تیں نویں آؤن والے تارکینِ وطن واسطے نارویجن معاشرے دی جان پچھان دی تدریس تیں وکھ ساہت تے وسیب دیاں بیٹھکاں دا آہر وی کردے نیں۔ اوہناں نوں بولی وسیب، لوک ریت، شاعری لوک ساہت تے لوک ورثہ وچ بڑی دلچسپی رہی۔

اپنا تبصرہ گھلو