میڈیا پاکستان وچ منشیات دے خاتمے لئی کیہہ کردار ادا کر سکدا اے؟

رپورٹ۔ عارف اے نجمی

فلیٹیزہوٹل لہور وچ ثقافتی تنظیم احساس فارلائف تے عیسائی ڈبلیو پی پی پاکستان چیپٹر دے اشتراک نال نارکوٹکس فورس دے تعاون نال اک میڈیا کانفرنس دا اہتمام کیتا گیا، الیکٹرونک میڈیا اُتے دوجے سٹیشن دے تعاون نال میڈیا دا کیہ رول ہو سکدا اے، پاکستان وچ منشیات دے خاتمے وچ میڈیا کیہ کردار ادا کر سکدا اے، ایس دے بارے وچ پاکستان دے نامور ٹی وی دے میزباناں نے گل بات کیتی۔


سینئر صحافی سہیل احمد وڑائچ نے اپنے خطاب وچ کہیا کہ احساس فار لائف نے ہمیشہ ثقافت دی پرموشن لئی اپنا کردار ادا کیتا اے ای ڈبل ایکس یو پی پاکستان دے صدر بشیر احمد ناظم نے کہیا کہ احساس فار لائف نے منشیات دے خاتمے وچ ہمیشہ اک مثبت کردار ادا کیتا اے تے میڈیا نوں وی عملی طور اُتے اپنا کردار ادا کرنا چاہیدا اے، نوجوان ٹی وی میزبان علی حیدر نے کہیا کہ نوجوان ہن منشیات دے خاتمے وچ تے پاکستان دی ثقافت دی پرموشن وچ جے اگے آن گے تے نہ صرف ایہہ کہ پاکستان ترقی کرے گا بلکہ ساڈے نوجوان وی اک صحیح ڈائریکشن وچ تے اک صحیح سمت وچ اگے ودھن گے۔احساس فار لائف دے جنرل سیکرٹری تے معروف ٹی وی اینکر پرسن وسیم حسن اعوان نے اپنے خطاب وچ کہیا کہ عرصہ 15سال توں ثقافتی حلقہ وچ احساس فار لائف اپنا کردار ادا کر رہی اے تے ہن میڈیا نوں اپنا کردار ادا کرنا ہوئے گا۔۔۔

تاں جے پاکستان وچ جیہڑی معاشرتی برائیاں نیں ایہناں دا خاتمہ ہو سکے، 20 پرائز آف پاکستان اولڈ پاکستان دے نامور صحافی پروڈیوسرز تے مختلف طبقہ ہائے زندگی وچ چنگے اقدام کرن اُتے لوکاں نوں ووٹ دتے گئے، کرونا دی صورت حال ہمیشہ بہتر ہون دے بعد لہور شہر وچ ایہہ پہلا پروگرام منعقد کیتا گیا سی، جس نے لوکاں نوں امید دلوائی گئی کہ اج دے حالات بہتر نیں تے اسیں مل جل کے پاکستان دی نہ صرف خدمت کرنی اے بلکہ ایس دی تعمیر و ترقی وچ اپنا کردار ادا کرنا اے، پی این پی آر اے دے صدر اقرار شاہ نے کہیا کہ میڈیا ضرور معاشرتی برائیاں دے عوام دے شعور نوں اجاگر کرن لئی اپنا کردار ادا کرے گا تے سول سوسائٹی دے نال مل کے اک اہم کردار ادا کرے گا، آخر وچ آخر وچ سارے پارٹس نے جنہے وی اوتھے موجود سن اوہناں نے خرم جہانگیر تے وسیع محسن دا شکریہ ادا کیتا کہ اوہناں نے لہور شہر وچ ایہہ خوبصورت پروگرام عوام تے میڈیا کانفرنس دا انعقاد کر کے اک بوہت چنگا کم کیتا اے تاں ایہناں نوں مستقل بنیاداں اُتے ایہہ کم تے انج دے پروگرام کردے رہنا چاہیدا اے۔

اپنا تبصرہ گھلو