دل دریا پاکستان ولوں کُل پنجاب اٹھویں ورھے وار محفل مسالمہ

دل دریا پاکستان رجسٹرڈ پنجابی زبان، ادب تے ثقافت لئی کم کرن والیاں تنظیماں وچ اپنا اک مقام رکھدی اے تے اوہناں دے پروگرامز وچ شاعر، ادیب تے مقامی لوگ وڈی تعداد وچ رَلت کردے نیں، ایہہ تنظیم ہر سال کُل پنجاب محفل مسالمہ دا پربندھ وی کردی اے ۔ ایس واری پروگرام دا آہر حسینیہ ٹرسٹ ہال گجرات وچ کیتا گیا۔محفل دی پردھانی مہان علمی و ادبی شخصیت سید گلزار بخاری (لاہور) ہوراں کیتی۔عمران سہیل تے علی احمد گجراتی ہوراں نقابت کیتی۔

اچیچے پروہیناں وچ محمد حنیف ساقی حافظ آباد،ڈاکٹر مرتضیٰ ساجد ساہیوال،سید حسنین محسن کاظمی لاہور، سیدعابد بخاری گجرات،آغا سید ابنِ مظہر گجرات،سیف اللہ باجوہ حافظ آباد، ڈاکٹر مظہر الحق گکھڑ،اعظم علی اعظم چنیوٹ، محمودحیدرپیرزادہ سیالکوٹ،علمدار اوج سادھوکی یوراں دے ناں شامل سن۔ آدری پروہیناں وچ ریاض ارمان جلالپوربھٹیاں،ارشاد نیازی سیالکوٹ، آصف علی علوی سیالکوٹ،بابا خاکی سائیں ساہیوال،مقصود یاور گجرانوالا، آفتاب احمد، نوید اقبال گکھڑ عادل بادشاہ راہوالی ہوراں رلت کرکے مان ودھایا، اس توں وکھ مان جوگ شعراء کرام وچ رانا عثمان احامر سیالکوٹ،عصمت اللہ سیکھو گجرانوالا،قاسم علی منظر چنیوٹ، طاہر محمود ہاشمی، رائے ضیغم علی ضیغم حافظ آباد،عمران سہیل منڈی بہاءالدین،مرزا سیف اللہ ساجد، طارق فیاضی، انعام اللہ ناصر مان، امتیاز قیس چٹھہ گجرانوالا توں سن،مقامی شعراء کرام وچ علی روش، تنویر دانش، ارسلان سیف، رومی بیگ، حبیب احمد، نعیم الدین فاروقی ہوراں دے ناں شامل سن۔سید ممتاز نقوی ہوراں تلاوت کلام پاک نال محفل دا آغاز کیتا۔ سید عرفان ہوراں نعت پیش کیتی تے حاجی طاہر عباس تے علی روش ہوراں خوبصورت انداز وچ قصیدہ پیش کیتا۔ آہریاں وچ میر ثقلین ہوراں تے اوہناں دی ٹیم نے آن والے پروہیناں دا بھرواں سواگت کیتا تے ان پانی دا سارا کم وی سوہنے ڈب نال سرے چاہڑیا۔ محفل وچ رلتی شعراء نیں بڑی محبت عقیدت تے سوہنے انداز وچ اپنے اپنے اکھراں راہیں شہیدِ کربلا امام حسینؑ دی بارگاہ وچ ہدیہء سخن پیش کیتا۔ اخیر تےپروگرام دے پرباندی علی احمد گجراتی ہوراں محفل وچ آن والے سبھناں متراں دا شکریہ ادا کیتا۔

اپنا تبصرہ گھلو