انجمن حمایت اسلام ۔۔۔۔۔۔۔۔ایک تحریک اک ادارہ

لكهت:پروفیسر حکیم سید عمران فیاض

انجمن حمایت اسلام ساڈی قومی، ملی، دینی تے سماجی جدوجہد دا روشن باب اے۔ ایہہ کسے فرد واحد دی نجی ملکیت نہیں بلکہ ایس سرزمین خداداد اُتے وسن والی امت مسلمہ دا قومی اثاثہ نیں۔ قرآن مجید وچ ارشاد باری تعالیٰ اے خاص طور تے مدد دے مستحق اوہ تنگ دست لوک نیں جیہڑے اللہ دے کم وچ انج دے گھرگی نیں کہ اپنے ذاتی کسب معاش لئی زمین وچ دوڑ دھوپ نہیں کر سکدے۔ ایہناں دی خود داری ویکھ کے ناواقف بندا گمان کردا اے کہ ایہہ خوشحالی نیں تسیں ایہناں دے چہرے توں ایہناں دی اندرونی حالت پہچان سکدے ہوئے۔ پر اوہ انج دے لوک نہیں کہ لوکاں دے پچھے پئے کے کجھ منگن ایہناں دی اعانت وچ جیہڑا کجھ مال تسیں خرچ کرو گے اوہ اللہ توں لُکیا نہیں رہوے گا۔ ( البقرہ 273)
1880 دے عشرے وچ کجھ باہمت بذرگاں خان نجم الدین خان، خلیفہ حمید الدین، خلیفہ عماد الدین، مولوی غلام، اللہقصوری، شیخ کریم بخش، شیخ خیر دین، ڈاکٹر محمد دین ناظر تے حاجی شمس الدین نے مسلماناں دی دینی تے ذہنی اصلاح کرن ایہناں ایہناں دی تعلیم و تربیت تے فلاح و بہبود دے نظام و انصرام دے سلسلے وچ جدوجہد دا انتظام کیتا۔ بعدازاں 1884 وچ اندرون موچی گیٹ وچ واقع مسجد بکُن خان وچ انجمن حمایت اسلام دا سنگ بنیاد رکھیا گیا۔ انجمن حمایت اسلام دے دیگر بانی اراکین وچ منشی عبدالرحیم دہلوی، منشی چراغ دین، مرزا عبدالعزیز دہلوی، منشی پیر بخش، مولوی سید احمد علی شاہ دہلوی، منشی شمش الدین شائق تے منشی نظام دین جہے عظیم لوک شامل سن۔
انجمن حمایت اسلام دی مسند صدارت اُتے عظیم قابل قدر ہستیاں فائز نیں جنہاں وچ خلیفہ حمید الدین، قاضی خان شیخ خدا بخش، مولانا مفتی عبداللہ، نواب فتح علی خان، نواب ذوالفقار علی خان، میاں محمد شفیع ، جسٹس شیخ عبدالقادر، علامہ ڈاکٹر محمد اقبال، نواب مظفر علی خان، ڈاکٹر شجاع الدین، مولوی غلام محی الدین، سید محسن شاہ، میاں امیر الدین، میاں صلاح الدین، میاں معروج الدین تے جسٹس ر نسیم حسن شاہ اعزازی تاحیات صدر شامل نیں جد کہ ایس ویلے جسٹس ر منظور حسین سیال مرحوم وی ایس عہدے اُتے فائز رہے۔
انجمن حمایت اسلام دے زیر انتظام چلن والے اداریاں دی تعداد 22اے۔ جنہاں وچ بچے تے بچیاں لئی دارالشفقت، خواتین لئی دارلامان، ڈگری کالج ۔ پرائمری تے ہائر سیکنڈری سکول طبینہ کالج۔ لا کالج۔ محمد امین ووکیشنل ٹریننگ سینٹر۔ منڈے تے کڑیاں لئی دارالعلوم دینیا۔ ہر قسم دی پرنٹنگ لئی پرنٹنگ پریس، کتب خانہ، یونانی شفاخانہ، شعبہ جائیداد و تعمیرات دے نال نال انجمن دی سرپرستی وچ چھپن والا (ماہنامہ حمایت اسلام ) وی شامل اے۔
تحریک پاکستان وچ انجمن حمایت اسلام دا عظیم کردار کسے توں وی لُکیا ہویا نہیں۔ ایس دے عہدیداران تے کارکنان خاص طور تے تعلیمی اداریاں دے طلبا نے قائداعظم محمد علی جناح تے محترمہ فاطمہ جناح دی قیادت وچ ہر اول دستے دا کردار ادا کیتا۔ ڈاکٹر علامہ محمد اقبال انجمن حمایت اسلام دے 1934 توں 1937 تیکر صدر وی رہے۔
انجمن حمایت اسلام دی بے پناہ ملی، رفاہی تے تعلیمی خدمات تے تحریک پاکستان دے دوران عظیم کردار ہون دے باوجود حکومت وقت نے انتہائی جانبدارانہ و غیر منصفانہ کردار ادا کیتا تے 1972 وچ انجمن دے زیر انتظام چلن والے 12 تعلیمی اداریاں نوں اپنی تحویل وچ لے لیا۔ ایہناں قومی اداریاں دی ہجے تیکر واپسی ممکن نہیں ہو سکی جد کہ دیگر قومی تعلیمی ادارے ایہناں دے مالکان نوں واپس کر دتے گئے۔ انجمن حمایت اسلام دے اکابرین تے عہدیداران دی عزم و ہمت وچ ذرہ بھر وی لغرش نہیں آئی تے اج وی انجمن ایسے جذبہ حب الوطنی نال سرشار رواں دواں اے حکمران وقت و سپریم کورٹ آف پاکستان نال اپیل اے کہ ایہناں قومی اداریاں نوں انجمن دے حوالے کریے تاں جے دینی، نصابی، رفاعی تے فنی تعلیم دا مشن اگے ودھدا جائے۔
انجمن حمایت اسلام طیبہ کالج لہور دا قیام 1926 وچ ہویا۔ جتھے طب یونانی دی علمی و عملی تے طب جدید دی تعلیم فراہم کیتی جاندی اے۔ عملی تعلیم لئی آئوٹ ڈور شفاخانہ، لائبریری، میوزیم تے لیبارٹری وی موجود اے ایس دے نال نال طلبا و طالبات نوں کیمیاوی امتحانات و کلینکل ٹیسٹ سکھان لئی آلاتِ جدید و تشریحی چارٹس کثیر تعداد وچ موجود نیں۔ طیبہ کالج لہور طب یونانی دی پرانی درسگاہ اے جس نوں مرکزی تے صوبائی حکومت نے تسلیم RECOGNIZED کیتا ہویا اے جس وچ تجربہ کار تے کوالیفائیڈ استاداں دی زیر نگرانی اسٹوڈینٹس دی قدیم و جدید علم دے نال عملی تربیت کیتی جاندی اے۔ ایتھے شعبہ اناٹومی، فزیالوجی، پتھالوجی، مانرسرجری، بوٹینیکل گارڈنز، فارمیسی، میٹریا میڈیکا، دے نال نال معیاری کلینک لیبارٹری تے وسیع لائبریری وی موجود اے۔ انجمن حمایت اسلام طیبہ کالج لہور توں فارغ التحصیل طلباء کارپوریشناں، ڈسٹرکٹ کونسلاں تے میونسپل کمیٹیاں دی ڈسپنسریاں وچ ملازمت کر رہے نیں۔
انجمن حمایت اسلام طیبہ کالج لہور تے یونانی شفاخانہ چلان لئی انتہائی باصلاحیت تے محب وطن بندیاں اُتے مشتمل کمیٹی اپنا مثبت کردار ادا کر رہی اے جنہاں دی نگرانی وچ طیبہ کالج و شفاخانہ دن دگنی رات چوگنی ترقی کر رہیا اے۔ طیبہ کالج کمیٹی دے چیئر مین حکیم عزیز الرحمن جگرانوی، تے ریاض الحق (سیکرٹری) جد کہ ممبران جسٹس ر غلام محمود، خواجہ مشتاق، اقبال احمد قریشی، شیخ محمد سعید، ڈاکٹر غضنفر علی ، ڈاکٹر محمد امجد، حاجی غلام مصطفےٰ ، میاں محمد مشتاق تے عبدالماجد طور شامل نیں۔ مزید ایہہ کہ رقم الحروف نوں وی ایہہ اعزاز حاصل اے کہ اوہ وی ایسے عظیم درسگاہ توں 2001 وچ فارغ التحصیل اے تے 2012 وچ ایہنوں طیبہ کالج انجمن حمایت اسلام دے پرنسپل پروفیسر حکیم نعیم صدیقی نے آنریری سیکرٹری علامہ نذیر احمد طارق دی ہدایت اُتے شفاخانہ وچ دوائیاں دی پرموشن دے حوالے نال اعزازی سفیر مقرر کیتا جد کہ طبیہ کالج دے موجودہ پرنسپل پروفیسر حکیم عمر توصیف دھول نیں۔
انجمن حمایت اسلام طبیہ کالج لہور دے یونانی شفاخانہ توں بوہت بڑی تعداد وچ روزانہ مستحق و نادار مریض مفت دوائیاں حاصل کر رہے نیں۔ یونانی شفاخانہ دی دوائیاں قرابا دینی فارما نوں پیاکت عین مطابق تیار کیتی جاندیاں نیں۔ شفاخانہ دے انچارج پروفیسر حکیم تاج محمود بٹ انتہائی جہاندندیدہ تے محبت کرن والے انسان نیں۔ ایہناں دی نگرانی وچ شفاخانہ دن بدن ترقی دی منزلاں طے کر رہیا اے جد کہ شعبہ خواتین وچ پروفیسر طبیبہ محمودہ سلطانہ تے پروفیسر عفت عمران ڈیوٹی سرانجام دے رہی اے جد کہ ڈسپینسری وچ طبیبہ بشریٰ انتہائی احسن طریقے نال اپنی ڈیوٹی انجام دے رہی اے۔
انجمن حمایت اسلام طبیہ کالج یونانی شفاخانہ دی دوائیاں نوں جدید طریقہ نال استوار کردے ہوئے دوائیاں نوں خوبصورت پیکنگ وچ لیایا گیا اے تاں جے عوام نوں خالص تے معیاری دوائیاں فراہم کیتیاں جا سکیاں۔

اپنا تبصرہ گھلو