عثمان قادر نوں جدوں پرچی آکھیا جائے تے مینوں غصہ آندا اے: وسیم اکرم

کراچی: سابق فاسٹ بولر وسیم اکرم آکھیا اے بعض لوکاں ولوں عثمان قادر نوں پرچی کہن تے مینوں غصہ آندا اے۔ ایہ کوئی گلی کرکٹ نیں اے ، جہدے وچ صلاحیت ہووے اوہی میدان وچ اتردا اے، عثمان نے زمبابوے نال دوجے میچ وچ اوہناں ساری صلاحیتاں دا مظاہرہ کیتا جہڑی اک حقیقی لیگ سپنر وچ ہوندیاں نیں۔ یاد رہے عثمان قادر بارے عام تاثر ایہو اے اوہناں نوں بابر اعظم نال دوستی دی وجہ توں سکواڈ وچ تھاں ملی، حالیہ سیریز وچ نائب کپتان شاداب خان دی انجری دی وجہ توں اوہناں کھیڈن دا موقع مل رہیا اے۔