خدمت دے سفر دے ساہمنے انتشار دی سیاست دی کوئی حیثیت نہیں: عثمان بزدار

لہور(سٹی رپورٹر)وزیراعلی عثمان بزدار نے آکھیا اے کہ خدمت دے سفر دے ساہمنے انتشار دی سیاست دی کوئی حیثیت نہیں۔ مسلم لیگ ن تے پیپلز پارٹی نے عام آدمی دے حقوق اتے ڈاکاسٹایا۔ وزیراعلیٰ پنجاب عثمان بزدار دے نال ایوان وزیر اعلی وچ وفاقی وزیر صاحبزادہ محبوب سلطان تے رکن پنجاب اسمبلی رانا شہباز نے ملاقات کیتی، جہدے وچ منتخب نمائندیاں نے عثمان بزدار نوں اپنے اپنے حلقے دے مسائل توں آگاہ کیتا۔ وزیراعلیٰ ولوں مسائل جلد حل کرن دی یقین دہانی کرائی گئی اے۔ وزیراعلیٰ پنجاب ہوراں نے آکھیا اے کہ اپوزیشن دے کول کوئی ایجنڈا اے نہ کوئی پروگرام، بس عوام دی کمائی لٹن والے نئے روپ دھارکے فیئر میدان وچ اپنا پرانا چورن ویچن آئے ہوئے نیں۔ عثمان بزدارنے مزیدآکھیا اے کہ محب وطن عوام چو ر ٹولے دے جھانسے وچ ہن نہیں آن گے۔ پی ڈی ایم دے افرافری پھیلان دے مذموم عزائم کدی پورے نہیں ہون گے۔ اوہناں نے آکھی اے کہ وزیراعظم عمران خا ن نے موروثی سیاست دے تابوت وچ آخری کیل ٹھونک دتی اے۔