پورے ملک وچ ”گونیازی گو”دانعرہ لگ چکیا :مریم نواز

استور(بیورو رپورٹ)مسلم لیگ ن دی نائب صدر مریم نواز نے آکھیا اے کہ پورے ملک وچ ”گونیازی گو”دانعرہ لگ چکیا۔حکمران جس طرحاں آئے نیں ایسی طرحاں جان گے۔ سیاسی مخالفین سن لین۔سلیکٹرصرف عوام نیں۔ سرکار نے گلگت بلتستان الیکشن وچ دھاندلی دی کوشش دی تے عوام نہیں چھڈے گی۔گلگت بلتستان دے علاقے استور وچ انتخابی جلسے دے نال خطاب کردیا ں ہویاں مریم نواز داآکھنا سی کہ گلگت بلتستان شیراں دی دھرتی اے گیدڑ صرف وعدے کردے نیں شیر نبھاندے نیں۔

اسیں وعدے کرنا تے ایہناں نوں نبھانا جاندے آں۔ مریم نوازہوراں نے آکھیا اے کہ گلگت بلتستان دے لوکائی نوں فورجی انٹرنیٹ ملنا چاہیدا اے۔ چاہنی واں یونیورسٹی تے کالجز وچ پڑھن والے مقامی خواتین ن وں مفت لیپ ٹاپس دتے جان۔ اوہناں نے مزیدآکھیا اے کہ انسان سرکار اپنی عزت لئی کردا اے ذلت دی سرکار کولوں عزت دی موت چنگی اے۔ مریم نواز نے آکھیا اے کہ لوکائی ایس جعلی سرکارنوں بددعائواں دے رہے نیں۔ دواں دی قیمت وچ 600فیصد اضافہ ہوگیا ہن مرنا وی آسان نہیں۔