مریم اورنگزیب نوں شہباز شریف دی صحت اتے سیاست دا ٹاسک دیدتا گیا:شہبازگل

اسلام آباد(بیورورپورٹ) وزیراعظم دے معاون خصوصی شہباز گل نے آکھیا اے کہ چوراں تے ٹھگاں دی سرکار نوں دھمکان دی اوقات نہیں۔ شہبازشریف سنے کرپٹ اشرافیہ نوں رسیداں دینا ای پین گیاں۔مریم اورنگزیب نوں شہباز شریف دی صحت اتے سیاست دا ٹاسک دیدتا گیا۔ہن صبح وشام ایہناں دی صحت بارے جھوٹھ گھڑے جان گے۔ معاون خصوصی برائے سیاسی ابلاغ شہباز گل نے مریم اورنگزیب دے بیان اتے ردعمل دیندیاں ہویاں آکھیا اے کہ ایس توں پہلاں میاں مفرور لئی وی موصوفہ نے چنگے بھلے جھوٹھ گڑے سن۔ خرابی صحت دا بہانا بنا کے میاں صاحب ملک توں فشوں ہوگئے۔ ملک لٹن والے پہلی واری احتساب دے کٹہرے وچ نیں۔ وزیراعظم عمران خان نے یاد دلایا کہ ملک وچ قانون دے ساہمنے سبھ برابر نہیں۔