پی آئی سی واقعہ دے ذمہ داراں دے خلاف سخت ایکشن لیا جاوے گا: اعجاز شاہ

اسلام آباد: وفاقی وزیر داخلہ اعجاز شاہ آکھیا اے پنجاب انسٹی ٹیوٹ آف کارڈیالوجی وچ پیش آن والا واقعہ انتہائی افسوناک اے، واقعے دی ساری انکوائری ہووے گی تے جہڑا وی ذمہ دار اے، اوہدے خلاف سخت ایکشن ہووے گا۔بریگیڈیئر (ر) اعجاز شاہ ولوں جاری بیان وچ آکھیا گیا اے وکیلاں دی تن توں چار ہفتے پہلاں لڑائی ہوئی سی۔ وکیلاں تے ڈاکٹراں دی لڑائی دے بعد صلح کروا دتی گئی سی۔

معاملہ ختم ہو گیا سی پر دوبارہ فیر شروع ہو گیا۔ سوشل میڈیا تے ویڈیو ویکھ کے وکلاء مشتعل ہوئے۔ وزیر داخلہ اعجاز شاہ آکھیا وزیراعظم نے واقعے دا نوٹس لیا اے۔ واقعہ دی انکوائری وچ جہڑا وی ذمہ دار ہویا اوہدے خلاف سخت ایکشن ہووے گا۔