احتساب عدالت نے شہباز شریف خاندان دے اثاثے منجمد کرن دا حکم دے دتا

لہور: احتساب عدالت نے نیب دی اثاثے منجمد کرن دی درخواست منظور کردیاں شہباز شریف سنے اوہناں دے خاندان دے سارے بندیاں دے اثاثے منجمد کردتے نیں۔

خیال رہوے قومی احتساب بیورو (نیب) نے مسلم لیگ (ن) دے صدر میاں شہباز شریف خاندان دے اثاثے منجمد کرن دی استدعا کیتی سی۔

عدالت نے اوہناں دی دوواں بیویاں نصرت شہباز تے تہمینہ درانی دے ناں سارے اثاثے وی منجمد کرن دا حکم دے دتا اے۔

عدالت ولوں شہباز شریف فیملی دے جہڑے اثاثیاں نوں منجمد کرن دا حکم دتا اے ایہناں وچ 96ماڈل ٹاؤن تے 87ایچ دی 10کنال دی رہائش گاہواں، ڈونگا گلی ایبٹ آباد وچ اک کنال اک مرلے دے نشاط لاجز، چنیوٹ انرجی لمیٹڈ، رمضان انرجی، شریف ڈیری تے کرسٹل پلاسٹک انڈسٹری وی فہرست وچ شامل نیں۔