آمدن توں ودھ اثاثیاں دا کیس، نیب نے لیگی رہنما خواجہ آصف نوں طلب کر لیا

اسلام آباد: قومی احتساب بیورو (نیب) راولپنڈی نے آمدن توں ودھ اثاثیاں دے کیس وچ ن لیگ دے سینئر رہنما خواجہ آصف نوں 18دسمبر نوں طلب کر لیا اے۔ نیب ولوں جاری نوٹس وچ آکھیا گیا اے خواجہ آصف اپنے تے اہل خانہ دے اثاثیاں دا ریکارڈ نال لیان تے اکاؤنٹس دی تفصیلات وی پیش کرن۔

دوجے پاسے ذرائع دا کہنا سے نیب لہور نے خواجہ آصف دی اہلیہ تے اوہناں دے پتر خواجہ محمد اسد نوں کینٹ ویو ہاؤسنگ سوسائٹی کیس وچ ذاتی حیثیت وچ طلب کر لیا اے۔ خواجہ آصف دی بیوی تے پتر نوں سیالکوٹ وچ بنائی گئی ہاؤسنگ سوسائٹی دا پورا ریکارڈ نال لیان دی ہدایت کیتی گئی اے۔

ایہناں تے زمیناں تے قبضے تے مبینہ غیر قنونی فروخت دا الزام اے۔ سابق میئر سیالکوٹ توحید اختر چودھری نوں وی اج 11وجے طلب کرکیتا گیا اے۔ ملزماں تے الزام اے کہ ایہناں کول 150کنال منظور شدہ زمین موجود پر 400کنال فروخت کر چکے نیں۔