پی آئی سی وچ ہنگامہ کرن والے سزا توں نہیں بچ سکن گے: وزیراعلیٰ پنجاب

لہور:سردار عثمان بزدار آکھیا اے پی آئی سی وچ ہنگامہ کرن والے سزا توں نہیں بچ سکن گے، ہسپتال وچ توڑ بھن کسے صورت قابل برداشت نہیں اے۔

وزیراعلیٰ پنجاب سردار عثمان بزدار دا کہنا سی دل دے ہسپتال وچ وکیلاں دی ہنگامہ آرائی دے افسوسناک واقعہ دی انکوائری دا آغاز کر دتا گیا ا ے، ساریاں ہمدردیاں جاں بحق مریضاں دے لواحقین دے نال نیں، ہنگامہ آرائی کرن والیاں نے مریضاں تے ایہناں دے لواحقین تے تشدد کرکے بدترین فعل دا ارتکاب کیتا۔

سردار عثمان بزدار نے ہور آکھیا کیمریاں دی مدد نال ہسپتال وچ ہنگامہ آرائی تے تشدد دے ذمہ داراں دی نشاندہی دا عمل شروع کر دتا گیا اے، ویلے سر علاج نہ ہون نال 3مریضاں دے جاں بحق ہون دے واقعہ تے انتہائی دکھ تے افسوس ہویا اے۔