سپریم کورٹ: وزارت توانائی نوں واپڈا دے 200ارب روپے ادا کرن دا حکم

اسلام آباد: سپریم کورٹ نے وزارت توانائی نوں واپڈا دے 200ارب روپے ادا کرن دا حکم دے دتا۔ عدالت نے سیکرٹری پاور ڈویژن نوں اگلی سماعت تے رپورٹ پیش کرن دا حکم دے دتا۔ سپریم کورٹ وچ دیامیر بھاشا تے مہمند ڈیم عملدرآمد کیس دی سنوائی ہوئی۔

نامزد چیف جسٹس گلزار احمد نے ریمارکس دتے پاکستان وچ ویلا بدلدیاں دیر نہیں لگدی، کوشش کرو مہمند ڈیم دا کم 2025توں پہلاں پورا ہو جاوے۔

عطیات وصولی توں انکار تے عدالت نے نجی بینکاں تے برہمی دا اظہار کیتا۔ جسٹس گلزار نے ریمارکس دتے عطیات نہ لین دی ہدایت دین والے توہین عدالت دے مرتکب ہو رہے نیں، گورنر اسٹیٹ بینک عطیات وصولی یقینی بنان۔ سپریم کورٹ نے سماعت سردیاں دی چھٹیاں دے بعد تک ملتوی کر دتی۔