مچھر ہن ساڈے نیڑے نہیں آئے گا: نویں تکنیک آ گئی

بوسٹن( پنجابی میڈیا گروپ) ملیریا توںبچن لئی خاص کر افریقہ وچ ایس دیاں تباہ کاریاں جاری نیں۔ ایس لئی تازہ خبر ایہ اے کہ امریکی ماہریناں نے مچھراں توں بچن لئی اک لوشن بنایا اے جس وچ جینیاتی انجینیئرنگ دا استعمال کیتا گیا اے۔ اک وار دا لوشن15دناں تک مچھراں نوں تہاڈے توں دور رہن اُتے مجبور کرسکدا اے۔دُجیپاسے جلد اُتے لگائے جان والے مچھر پجان والا لوشن کجھ گھنٹاں وچ اپنی تاثیر چھڈ دیندا اے تے حساس جلد والیاں لئی تکلیف دی وجہ بن دا اے۔ لیکن ہن لائیو بایوتھیرپیوٹک پراڈکٹ(ایل پی بی) مچھر ربا لوشن ایس دا بے ضرر تے دیرپا حل فراہم کردا اے۔ ایس دوا دی خاص گل ایہ اے کہ ایہ انسانی جلد اُتے جینیاتی طور اُتے بدلن والے بیکٹیریا منظم کردی اے تے ایس نال مچھر نٹھ جاندے نیں۔