لکی مروت وچ انسداد پولیو ٹیم تے خودکش حملہ

لکی مروت: تحصیل نورنگ وچ انسداد پولیو حملہ ہویا اے پر دہشت گردی دے ایس واقعے وچ پولیو رضا کار محفوظ رہے نیں۔ لکی مروت دی تحصیل نورنگ ہاتھی خان کلہ وچ اوس ویلے خودکش حملہ آور نے اپنے آپ نوں دھماکا خیز مواد نال اُڈا لیا جدوں علاقے وچ انسداد پولیو مہم جاری سی۔

سکیورٹی فورسز تے پلس نے علاقے نوں گھیرے وچ لے کے آپریشن شروع کر دتا۔ پلس دا کہنا اے حملہ آور دا نشانہ انسداد پولیو ٹیم سی پر حملہ آور نے اپنے آپ نوں ٹیم توں تھوڑے فاصلے تے ای اُڈا لیا۔ پولیو ٹیم بالکل محفوظ اے، دھماکے دے نتیجے وچ کسے قسم دا جانی نقصان نہیں ہویا۔

ڈی پی او لکی مروت قاسم خان نے میڈیا نوں دسیا خودکش حملہ اوس ویلے کیتا گیا جدوں ضلع بھر وچ انسداد پولیو مہم جاری سی، سکیورٹی انتظامات فول پروف سن جہدی وجہ توں خودکش حملہ آور اپنے ہدف نوں نشانہ بنان وچ نکام رہیا۔

سکیورٹی فورسز نے علاقے نوں گھیرے وچ لے لیا۔