ایم کیو ایم پاکستان دا مشرف نوں سزائے موت دے فیصلے دے خلاف عوام وچ جان دا اعلان

متحدہ قومی موومنٹ پاکستان نے پرویز مشرف نوں سنگین غداری کیس وچ سزائے موت دے فیصلے دے خلاف عوام وچ جان دا اعلان کر دتا۔

سینئر ڈپٹی کنوینر ایم کیو ایم پاکستان عامر خان دا کراچی وچ میڈیا نال گل کردیاں کہنا سی سابق صدر پرویز مشرف بارے عدالتی فیصلہ انتقامی کاروائی لگدی اے۔

عامر خان آکھیا ایم کیو ایم پاکستان ایس فیصلے دے خلاف عوام وچ جاوے گی۔ اوہناں آکھیا سابق صدر نے ملک دی خاطرجنگاں لڑیاں نیں، سابق صدر دے اقدامات نے بھارت نوں لرزہ دتا سی، پرویز مشرف دی وجہ توں بھارت دیاں لتاں کنبدیاں سن۔

ایم کیو ایم پاکستان دے سینئر ڈپٹی کنوینر نے آکھیا خصوصی عدالت دے تفصیلی فیصلے وچ جہڑے الفاظ استعمال کیتے گئے اوہ قابل مذمت نیں۔