عمران خان دی آخری اننگز چل رہی اے: احسن اقبال

لہور(پنجابی میڈیا گروپ) پاکستان مسلم لیگ (ن) دے سیکرٹری جنرل احسن اقبال نے آکھیا اے کہ عمران خان دی آخری اننگز چل رہی اے ایہناں دا جانا ٹھہر گیا۔پی ڈی ایم دی جماعتاں یکسو نیں ،پیپلزپارٹی نے سرکاری جماعت توں اتحاد کر کے گھاٹے دا سودا کیتا اے ‘سرکارمسلم لیگ (ن)دی قیادت دے خلاف جھوٹے مقدمات وچ سیاسی انتقام نوں جاری رکھے ہوئے اے جہڑا افسوس دی گل اے۔ سرکار تن سال بعد وی وزیر خزانہ تلاش کر رہی اے۔ جہڑا ملکی سالمیت دے خلاف اقدام اے موجودہ حکمراناں دے کول ‘میں’دے علاوہ کجھ نیں۔ ایس خود پسندی نے ملک نوں تباہ کردتا اے۔ تفصیلات دے مطابق جمعرات دے دیہاڑے احتساب عدالت لہور دے بار میڈیا دے نال گل بات کردیاں ہویاں احسن اقبال ہوراں نے آکھیا ے کہساڈے دور وچ ملک مسلسل ترقی کردا رہیا پر اج ترقی انتہائی حد تیک ڈگ چکی اے۔ پاکستان نوں اج کسی دشمن دی لوڑنہیں۔ کیونکہ عمران نیازی نے ملک نوں اوہ نقصان پہنچایا اے جہڑا دشمن ارباں ڈالرخرچ کرکے وی نہیں کر سکدا۔