پشور یونیورسٹی ملازماں دا احتجاج، اسمبلی چوک میدان جنگ بن گیا

پشور( پنجابی میڈیا گروپ)پشور دا اسمبلی چوک میدان جنگ بن گیا۔ یونیورسٹی دے ملازماں نے مطالبیاںلئی اسمبلی چوک وچ احتجاج دے دوران روڈ نوں دوناں پاسیوں بند کر دتا۔ پولیس نے منشتر کرن لئی لاٹھی چارج تے شیلنگ کیتی۔
پشور وچ سرکاری یونیورسٹیاں دے ملازماں نے خیبر پختونخوا اسمبلی دے ساہمنے الانس وچ کٹوتی،صوبائی ہائر ایجوکیشن کمیشن دے قیام تے فیساں ودھان سنے ہوراں مطالبیاں لئی احتجاج کیتا۔ مظاہرین نے اسمبلی دے ساہمنے خیبر روڈ نوں ہر قسم ی ٹریفک لئی دوناں پاسیوں بند کر دتا، جس نال گڈیاں دیاں لمبیاں لائناں لگ گئیاں۔
پولیس ولوں روڈ کھولن لئی مظاہرین دے نال مذاکرات ہوئے، جس وچ تلخ کلامی ہوگئی۔ پولیس نے مظاہریناں نوں منشتر کرن لئی لاٹھی چارج تے شلینگ کیتی، جس نال مظاہرین منشتر ہوگئے۔ کارروائی دے دوران8مظاہریناں نوں گرفتار کرلیا گیا، مظاہرین نوں منشتر ہون توں بعد خیبر روڈ اُتے ٹریفک بحال کر دتی گئی۔
پولیس حکام دے مطابق شہریاں نوں پر امن احتجاج کیتا پورا پورا حق اے، احتجاج اُتے امن تے اک سائڈ اُتے ہوئے تے کجھ نہیںکہندے احتجاج نال اگر شہریاں نوں تکلیف ہوئے تے قنون حرکت وچ آئے گا، ہسپتالاں نوں جان والے راستے بند سن، ایس نال عوام نوں تکلیف دا ساہمنا سی، ایکشن لے کے احتجاج نوں ختم تے ٹریفک نوں بحال کر دتا اے۔