جامعہ قاسمیہ لہور دے مہتمم مولانا شاہ محمد اللہ نوں پیارے ہوگئے

لہور( پنجابی میڈیا گروپ)ملک دے ممتاز عالم دین جامعہ قاسمیہ لہور دے مہتمم مولانا شاہ محمد علالت توں بعد لہور دے مقامی ہسپتال وچ95سال دی عمر وچ انتقال کرگئے۔
میڈیا رپور ٹ دے مطابق مرحوم نے دینی تعلیم جامعہ اشرفیہ لہور توں حاصل کیتی جدکہ قرآن مجید دی تفسیر حافظ الحدیث حضرت مولانا محمد عبداللہ درخواستی تے شیخ التفسیر حضرت مولانا احمد علی لہوری نے پڑھی، مرحوم حضرت مولانا قاضی مظہر حسین دی بیعت کرن توں بعدجامعہ قاسمیہ رحمان پورہ اچھرہ لہور وچ بطور مہتمم، خطیب تے دینی کتاباں دے بہترین استاد دی حیثیت نال50سال تک اسلام دی اشاعت تیدین دی خدمت وچ مصروف رہے ،مرحوم نے بیوہ، سینکڑاں شاگرد تے ہزاراں عقیدت منداں نوں سوگوار چھڈ گئے ۔
نماہ جنازہ وحدت روڈکرکٹ گرائونڈ مسلم ٹائون لہور وچ جامعہ اشرفیہ لہور دے مہتمم حضرت مولانا حافظ فضل الرحیم اشرفی نے پڑھائی ،نماز جنازہ وچ مولانا قاری ارشد عبید،مولانا میاں محمد اجمل قادری، مولانا محمد امجد خان، مفتی محمد حسن، مولانا احمد علی ثانی، شیخ الحدیث مولانا محب النبی، مولانا صوفی عتیق الرحمن، صوبائی وزیر میاں محمد اسلم اقبال، عفیف صدیقی، مولانا عبدالرف فاروقی، ن لیگ دے حافظ محمد نعمان سنے ہزاراں افراد نے ماسک تے احتیاطی تدابیراں دے نال رلت کیتی مرحوم نوں مقامی قبرستان شیرشاہ اچھرہ لہور وچ سپرد خاک کر دتا گیا۔