اسلام آباد :کورونا دیاں پابندیاں وچ نرمی کردتی گئی

اسلام آباد( پنجابی میڈیا گروپ) وفاقی دارالحکومت وچ کورونا وائرس دی صورتحال وچ بہتری توں بعد پابندیاں وچ نرمی کردتی گئی۔
ضلعی انتظامیہ ولوں شہر وچ واٹرپارکس،سوئمنگ پولز تیتفریحی مقامات کھولن دا نوٹیفکیشن جاری کردتا گیا اے۔
نوٹیفکیشن دے مطابق شہر وچ سارے تفریحی مقامات اُتے50فیصد افراد گنجائش دی اجازت ہوئے گی لیکن سوئمنگ پولز تے پارک ہفتے تے اتوار نوں بند رہین گے۔
نوٹیفکیشن وچ آکھیا گیا اے کہ ان ڈور فوڈ کورٹس تے ڈائن دی اجازت نہیں ہوئے گی جد کہ تفریحی مقامات اُتے ایس او پیز اُتیسختی نال عملدرآمد یقینی بنایا جائے گا۔