ملکی معاشی صورتحال اُتے سابق کپتان شاہد آفریدی ولوں اطمینان دا اظہار

لہور( پنجابی میڈیا گروپ)قومی ٹیم دے سابق آل رانڈر تے کپتان شاہد آفریدی نے ملکی معاشی صورتحال اُتے اطمینان دا اظہار کردئیاں ہوئیاںآکھیا کہ اُمید اے ایہ خوشحالی عوام تک وچ پہنچے گی۔
یاد رہے کہ ایس مہینے شاہد آفریدی دی سوشل میڈیا اپتے اک ویڈیو وائرل ہوئی سی جس وچ اوہ وزیراعظم عمران خان نوں آصف زرداری تے نواز شریف دا پیچھا چھڈن دا مشورہ دے رہے سن۔
سماجی رابطے دی ویب سائٹ ٹوئٹر اُتے اپنے اک بیان وچ اوہناں نے لکھیا کہ بوہت خوشی ہندی اے جدوں پاکستان دے حوالے نال کوئی چنگی خبر سنن نوں ملدی اے۔ سٹیٹ بینک تے ایف بی آر دی اپڈیٹس، فارن ریزروز سر پلس، جی ڈی پی دا مثبت گروتھ ریٹ تے باقی اعداد و شمار وی کافی حوصلہ افزا نیں۔