آئی ایم ایف توں قرضے لے کہ سرکاری ملازماں نوں تنخواہاں دینا خطرناک اے، چیف جسٹس

اسلام آباد( پنجابی میڈیا گروپ)چیف جسٹس پاکستان گلزار احمد نے آکھیا کہ خیبرپختونخوا دے سرکاری ادارے تنخواہواں تے پینشن دین دے قابل نہیں۔
چیف جسٹس گلزار احمد دی سربراہی وچ سپریم کورٹ دے تین رکنی بینچ نے محکمہ جنگلات خیبر پختونخوا دے ملازم فضل مختار دی پینشن بارے کیس دی سماعت کیتی۔
وکیل درخواست گزار نے دلائل دتے کہ1989وچ پروجیکٹ اُتے فارسٹ گارڈ بھرتی ہوئیا تے1994وچ فارغ کیتا گیا تے اوس ٹائم فریش اپوائمنٹ کیتی گئی، ہن پینشن دی ادائیگی دے دوران میری چار سالہ سروس کانٹ نہیں کیتی گئی۔عدالت نے فارسٹ گارڈ فضل مختار دی پینشن بارے اپیل مسترد کر دتی۔
دوران سماعت چیف جسٹس گلزار احمد نے ایڈیشنل ایڈوکیٹ جنرل خیبرپختونخواہ قاسم ودود نے آکھیا کہ خیبرپختونخواہ دے سرکاری ادارے تنخواہواں تے پینشن دین دے قابل نہیں ہین، صوبے وچ سرکاری اداریاں وچ لوکاں نوں ملازمتاں اُتے لگا کر بھر دتا گیا اے،حکومت آئی ایم ایف تے ورلڈ بینک توں قرضے لے رہی اے، ایہ طریقہ خطرناک اے کہ قرضہ لے کہ سرکاری ملازماں نوںتنخواہواں دتیاں جارہیاں نیں، کیہ گل خیبرپختونخواہ وچ سرکاری نوکریاں دے علاوہ روزگار لئی دُوجا کوئی ذریعہ نہیں اے۔