ترقی دے اعدادوشماراُتے اپوزیشن داٹولہ منافقت نال کم لے رہیا اے: عثمان بزدار

لہور( پنجابی میڈیا گروپ)وزیراعلی پنجاب سردار عثمان بزدار دا کہنا اے کہ پائیدار معاشی ترقی دے اعداد و شمار اُتے اپوزیشن دا ٹولہ منافقت توں کم لے رہیا اے، سٹاک مارکیٹ سنے معیشت دے ہور شعبیاں وچ بہتری آئی اے۔
وزیراعلی پنجاب سردار عثمان بزدار دا کہنا اے کہ پائیدارمعاشی ترقی دے اعداد و شمار اُتے اپوزیشن دا ٹولہ منافقت نال کم لے رہیا اے۔ اوہناں دا کہنا سیکہ حکومتی اقدامات پاروں شیواں دیاںقیمتاں گھٹ ہو رہیا نیں۔ صنعت دا پہیہ چل رہیا اے تیزرعی شعبہ وچنمایاں ترقی ہوئی اے۔
معیشت دی اے بی سی توں ناواقف اپوزیشن صرف پوائنٹ سکورنگ وچ لگی ہوئی اے۔ ایہ ٹولہ صرف پاکستان دی ترقی نوں روکن دی کوشش کر رہیا اے۔ وزیراعظم عمران خان دی قیادت وچ پاکستان معاشی استحکام دے سفر اُتے گامزن اے۔ ایس وقت اپوزیشن ولوںاحتجاجی سیاست کرنا پاکستانی عوام نال دشمنی دے مترادف اے۔ منفی سیاست کرن والے یاد رکھن کہ اوہناں دی آر پار،استعفے تے لانگ مارچ دی سیاست اپنی موت آپ مرچکی اے۔ ہن ایہ عناصر معیشت دی ترقی اُتے پریشان نظر آرہے نیں۔ پاکستان اپنی حقیقی منزل ول تیزی نال ودھ رہیا اے۔