ایس سال محکمہ صحت دا بجٹ300ارب توں ودھا دتا جائے گا: یاسمین راشد

لہور( پنجابی میڈیا گروپ)وزیر صحت پنجاب ڈاکٹر یاسمین راشد دا کہنا اے کہ آئندہ مالی سال محکمہ صحت دے دوناں شعبیاں دا بجٹ283ارب روپے توں ودھا کے3سو ارب توں ودھ کیتا جائے گا، دسمبر تک پنجاب دے سارے خانداناں نوں ہیلتھ انشورنس کارڈ دتے جان گے۔
ایس سال دے بجٹ تے منصوبیاں اُتے میڈیا نال گل بات کر دئیاں وزیر صحت پنجاب ڈاکٹر یاسمین راشد ہوراں آکھیا سی کہ محکمہ صحت دے دوناں شعبیاں لئی ایس مالی سال دا بجٹ3سو ارب توں ودھ دا ہوئے گا، ہیلتھ انشورنس دے بجٹ نوں100ارب روپے تک کر دتا جائے گا۔
اوہناں آکھیا کہ ہن تک52لکھ خانداناں نوں ہیلتھ انشورنس کارڈ دے دتے جا چکے نیں، دسمبر تک پنجاب دے سارے خانداناں نوں ہیلتھ انشورنس کارڈ دے دتے جان گے۔
ڈاکٹر یاسمین راشد نیہور آکھیاکہ ایس سال لہور وچ5سو بیڈاں دا جدید ترین ہسپتال تے چائلڈ ہیلتھ یونیورسٹی بنائے جا رہے نیں۔9ارب روپے دی لاگت نال پنجاب وچ خون دی بیماریاں دا انفیکشن ڈیزیز دا ہسپتال بناواں گے۔ پچھلیاں حکومتاں دے منصوبیاں نوں مکمل کرن لئی وی بجٹ توں پیسے دتے جان گے۔