سوشل میڈیا نوں نَتھ پانی پئے گی:لہور ہائیکورٹ

لہور( پنجابی میڈیا گروپ)چیف جسٹس لہور ہائیکورٹ نے آکھیا اے کہ سوشل میڈیا کنٹرول نہ ہوئیا تے باہر دے ملک بیٹھ کیپاکستان دے خلاف سازش کیتی جا سکدی اے۔
لہور ہائیکورٹ وچ سوشل میڈیا اُتے گستاخانہ خاکے نہ ہٹان دے خلاف درخواست اُتے سماعت ہوئی۔ چیف جسٹس نے پچھیا کہ اگر کوئی باہر دے ملک توں نامناسب گلاں اپ لوڈ کرے تے اوس دا ٹرائل کس طرح ہوئے گا۔
وکیل درخواست گزار نے آکھیا کہ قنون موجود اے اگر کوئی باہر دے ملک بیٹھ کے وی کجھ اپ لوڈ کردا اے تے اوس دے خلاف کارروائی ہو سکدی اے۔
لہور ہائیکورٹ نے سماعت آئندہ ہفتے لئی ملتوی کردئیاں ہوئیاں وکیلاں نوں تیاری کرن دی ہدایت کردتی۔