اشتعال انگیز تقریراں کیس وچ علی وزیر دی درخواست ضمانت مسترد

کراچی( پنجابی میڈیاگروپ)سندھ ہائیکورٹ نے قومی سلامتی دے اداریاں دے خلاف اشتعال انگیز تقایراں بارے رکن قومی اسمبلی علی وزیر دی درخواست ضمانت مسترد کردتی۔
چیف جسٹس سندھ ہائیکورٹ جسٹس احمد علی شیخ دی سربراہی وچ جسٹس یوسف علی سید اُتے مشتمل دو رکنی بینچ نے قومی سلامتی دے اداریاں دے خلاف اشتعال انگیز تقایراں بارے رکن قومی اسمبلی ملزم علی وزیر دی درخواست ضمانت اُتے فیصلہ سنادتا۔
عدالت نے رکن قومی اسمبلی ملزم علی وزیر دی درخواست ضمانت مسترد کردتی۔ پولیس چالان وچ آکھیا گیا کہ رکن قومی اسمبلی ملزم علی وزیر نے جلسے نال خطاب وچ قومی اداریاں دے خلاف تقریراں کیتیاں۔
ملزم علی وزیر تے پی ٹی ایم رہنماواں دیخلاف سہراب گوٹھ تھانے وچ بغاوت دا مقدمہ درج کیتا گیا سی۔