پاکستان وچ بنن والی کورونا ویکسین”پاک ویک”دی اج مُکھ وکھالی

اسلام آباد( پنجابی میڈیا گروپ)پاکستان وچ بنن والی کوروناویکسین”پاک ویک”دی اج مُکھ وکھالیکیتی جائے گی، ویکسین چین توں خریدی سائنو ویک دے خام مال اُتے تیار کیتی گئی اے۔
وزارت قومی صحت کورونا وائرس دی حفاظتی ویکسین پاک ویک نوں18سال توں ودھ عمر دے بندیاں نوں لگان لئی شروع کیتی جائے گی۔ پاک ویک ویکسین قومی ادارہ صحت وچ تیار کیتی گی اے جس دا خام مال تے تیکنکی صلاحیت چین نے فراہم کیتیاں نیں۔
وزارت قومی صحت نے شروع اُتیقومی ادارہ صحت نوں پاک ویک دی تیس لکھ ڈوز تیار کرن دا حکم دتا اے۔ پاک ویک دی مینوفیکچرنگ،پیکنگ تے میٹریل قومی ادارہ صحت وچ تیار کیتا گیا اے۔