سعودی عرب : ویکسی نیشن مکمل کرن والے غیر ملکیاں لئی وڈا اعلان

الریاض( پنجابی میڈیا گروپ)سعودی عرب نے کورونا وائرس دی ویکسی نیشن مکمل کرن والے غیر ملکیاں لئی وڈااعلان کیتا اے۔
عرب میڈیا دے مطابق سعودی جنرل اتھارٹی آف سول ایوی ایشن نے اعلان کیتا اے کہ اوہ بندے جناں نے کورونا وائرس دے خلاف ویکسی نیشن دا عمل مکمل کیتا اے اوہناں نوں سعودی عرب وچ آن اُتے قرنطینہ کرن دی ضرورت نہیں ہوئے گی لیکن اوہناںلئی ضروری اے کہ اوہناں دے کول حکومت ولوں تصدیق شدہ ویکسی نیشن سرٹیفکیٹ موجود ہوئے۔
ایس توں پہلاں سعودی جنرل اتھارٹی نے اجے تک کورونا دی ویکسین نہ لگوان والے بندیاں لئی سعودی عرب آن اُتے7دناں دے قرنطینہ دی شرط رکھی سی جس توں بعد ہن ویکسی نیشن مکمل کرن والیاں نوں قرنطینہ نہیں کرنا پئے گا۔
عرب میڈیا نے دسیاکہ سعودی عرب وچ منظور شدہ ویکسین فائزر، بائیو این ٹیک،موڈرنا،ایسٹرازینیکا تیجانسن اینڈ جانسن شامل نیں۔
واضح رہے کہ سعودی عرب دی وزارت صحت نے ایس سال حج لئی وی نویے پروٹوکول دیاں سفارشاں کیتیاں نیں