فحش سین پاروں ہالی ووڈ فلم وچ کم توں انکار کیتا،سجل علی

کراچی(پنجابی میڈیا)معروف پاکستانی اداکارہ سجل علی دا کہنا اے کہ اوہناں نے بولڈ منظر دی وجہ نال ہالی ووڈ فلم وچ کم کرن توں انکار کیتا۔کجھ دن پہلاں دے اک انٹرویو دے دوران سجل علی نے دسیا کہ اوہناں نوں اک ہالی ووڈ فلم وچ اہم کردار دی پیشکش ہوئی سی لیکن اوہناں نے اوس فلم نوں ایس لیے ٹھکرایا کیونکہ اوس وچ اک بولڈ سین کیتاجانا سی۔سجل علی نے آکھیااگر کوئی فنکار خوش قسمت ہندا اے تے اوس نوں ہور بین الاقوامی کم دی پیشکش ہندی اے۔لیکن قطع نظر ایس دے میں کدی اپنی انڈسٹری توں منہ نہیں موڑاں گی۔بین الاقوامی کم ایس لئی میرے کول آیا کیونکہ اوہناں ساریاں فلمسازاں نے پاکستان وچ میرا کم ویکھ رکھیا سی تے جد میں بیرون ملک جاندی واں تے میں اپنے کم توں اپنی انڈسٹری وچ حصہ پانا چاہندی واں۔