ساڑھی اُتے شرٹ پاون اُتے حرامانی نوں تنقیداں دا ساہمنا

کراچی (پنجابی میڈیا گروپ) شوبز تے فیشن انڈسٹری وچ ہر آئے دن نویں ٹرینڈ تے اسٹائل متعارف ہندے رہندے نیں، لیکن حال ہی وچ اداکارہ حرا مانی نوں ساڑھی اُتے ٹی شرٹ پا کے پروگرام وچ رلت کرن اُتے تنقید دا نشانہ بنایا جا رہیا اے۔ حرا مانی ندا یاسر دے مارننگ شو وچ اپنے آن والے ڈرامے”یہ نہ تھی ہماری قسمت” دی تشہیر لئی ساتھی اداکار منیب بٹ تے عائزہ اعوان نال رلت کیتی ۔اوہناں دا ڈراما”یہ نہ تھی ہماری قسمت” نجی ٹی وی چینل اُتے چل رہیا اے، جس وچ اوہ منیب بٹ دی گھر والی دا کردار ادا کردی وکھائی دیندی اے۔