خاتون اول دی ذات اُتے کیچڑ اُچھالنا قابل مذمت اے‘مسرت جمشید چیمہ

لہور( پنجابی میڈیا گروپ)چیئر پرسن قائمہ کمیٹی داخلہ و تحریک انصاف پنجاب دی سیکرٹری اطلاعات مسرت جمشید چیمہ نے آکھیااے کہ سیاست تے حکومت نال کسی طرح دا تعلق نہ ہون کے باوجود مسلم لیگ(ن)ولوں تے خاتون اول دی ذات اُتے کیچڑاُچھالنا تے الزام لانا انتہائی قابل مذمت اے،مسلم لیگ(ن) دی قیادت تے اوہناں دی ایماء اُتے گندی سیاست کرن والے باز نہ آئے تے اوہناں دا قنونی تے سیاسی محاسبہ کیتا جائے گا۔اپنے اک بیان وچ اوہناں نے آکھیا کہ خاتون اول غیر سیاسی خاتون نیں تے اوہناں نے کدی پارٹی دی سیاست تے حکومتی کماں وچ حصہ نہیں لیا لیکن ایس دے باوجود مسلم لیگ(ن)دیاں عورتاں ،اراکان تے رہنماواں ولوں بیہودہ ٹوئٹس کرائے جاندے نیں جیہڑے قابل مذمت نیں۔