دھمکی آمیز خط دا معاملہ سپریم کورٹ اپڑ گیا

اسلام آباد(پنجابی میڈیا گروپ)وزیراعظم دے خلاف دھمکی آمیز خط دا معاملہ سپریم کورٹ اپڑگیا۔تفصیل دے مطابق سپریم کورٹ وچ دائر اک درخواست وچ پاکستان تحریک انصاف دے27مارچ دے جلسے وچ وزیر اعظم عمران خان ولوں لہرائے گئے مبینہ دھمکی آمیز خط دی تحقیق دی استدعا کیتی گئی اے۔درخواست سپریم کورٹ دے ایڈووکیٹ ذوالفقار احمد بھٹہ نے دائر کیتی جس وچ سیکریٹری قنون ڈویژن تے سول سیکریٹریٹ ذریعے وفاق نوں فریق بنایا گیا اے۔درخواست وچ آکھیا گیاکہ27مارچ نوں اک حیرت انگیز تے خطرناک لمحہ اوس ویلے آیا جدوں وزیراعظم عمران خان نے اپنی جیب توں اک خط کڈ کے لہرایا تے دعویٰ کیتا کہ ایہ اوس بین الاقوامی سازش دا ثبوت اے جیہڑی اوہناں دی حکومت ڈِیگن لئی کیتی جارہی اے۔