پنجاب کابینہ دا اجلاس:4مہینیاں لئی2076ارب دے بجٹ دی منظوری

لہور(پنجابی میڈیا گروپ)پنجاب کابینہ نے ایس مالی سال دے آئندہ4مہینے نومبر2023 توں فروری 2024 دے بجٹ دی منظوری دے دتی۔نگراں وزیراعلی محسن نقوی دی زیر صدارت پنجاب کابینہ دا31واں اجلاس ہویا جس وچ آئندہ 4مہینیاں لئی 2076.2ارب روپے دے بجٹ دی منظوری دتی گئی۔ کابینہ نے 351 ارب روپے دے ترقیاتی خرچیاں دی وی منظوری دتی۔صوبے دی عوام نوں ریلیف دین لئی50ارب روپے، صحت دے شعبے لئی 208 ارب روپے، تعلیم دے شعبے لئی 222 ارب روپے تے زرعی شعبہ دی ترقی لئی 10ارب روپے رکھے جان گے۔نیشنل ہیلتھ سپورٹ پروگرام لئی 1ارب 80کروڑ روپے رکھن دا فیصلہ کیتا گیا جدکہ پنجاب ٹیکسٹ بکس لئی5ارب روپے رِکھن دی منظوری دتی گئی۔ موسمیاتی تبدیلیاں دے چیلنج نال نمٹن لئی ارب 30کروڑ روپیرکھن دی منظوری دتی گئی۔سیکریٹری خزانہ نے ایس 4مہیناں دے بجٹ دے اہم خدوخال بارے بریفنگ دتی۔ سیکریٹری خزانہ نے پنجاب حکومت دی مالیاتی پوزیشن تے سرپلس وسائل بارے کابینہ ممبراں نوں آگاہ کیتا۔