آڈیو لیکس کسطرح ہو رہی اے تے کون کر رہیا اے؟ اسلام آباد ہائیکورٹ

اسلام آباد(پنجابی میڈیا گروپ)اسلام آباد ہائی کورٹ نے آڈیو لیکس معاملے اتے وفاق نوں جواب جمع کران لئی اک مہینے دی مہلت دے دتی۔جسٹس بابر ستار نے ریمارکس د تے کہ الیکٹرانک نگرانی کسطرح ہو رہی اے تے کون کر رہیا اے؟ پاکستان ٹیلی کمیونیکیشن اتھارٹی تے کہہ رہی اے کہ اونہاں نے کسی نوں اجازت نہیں دتی، وزیراعظم آفس ،سپریم کورٹ دے جج تے سابق چیف جسٹس دی فیملی دی آڈیو لیک ہوئی۔اونہاں نے آکھیا کہ ریاست پاکستان نوں اعتماد وچ لیتیوںبغیر اینج کرنا خوفناک فیصلہ اے۔ آڈیو ٹیپ بارے مجاز اتھارٹی کون اے ؟ وزیراعظم آفس دی رپورٹ وچ آکھیا گیا اے کہ اوہ خفیہ اداریاں دے روزانہ معاملات نہیں ویکھدا۔اسلام آباد ہائی کورٹ دے جسٹس بابر ستار نے سابق چیف جسٹس پاکستان دے بیٹے نجم الثاقب دی آڈیو لیکس کیس وچ پارلیمانی کمیٹی طلبی جدکہ بشری بی بی دی زلفی بخاری دے نال آڈیو لیک معاملے اتے ایف آئی اے وچ طلبی خلاف درخواستاں نوں یکجا کر کے سماعت کیتی ۔عدالتی معاون رضا ربانی نے تحریری جواب جمع کرایا تے آکھیا کہ عدالت نوں خود ایس معاملے نوںنہیں ویکھنا چا ہیدا ، معاملہ واپس کمیٹی نوںگھلناچاہیدا سی۔