بجلی دی قیمت وچ 1 روپیہ30پیسے ہورودھن داامکان

اسلام آباد(پنجابی میڈیا گروپ)مہنگائی دی ستائی عوام لئی اک ہوربری خبر آگئی، بجلی دی قیمت 1روپیہ 30 پیسے فی یونٹ ہور ودھن داامکان اے۔بجلی کمپنیاں نے سہ ماہی ایڈجسٹمنٹ لئی درخواست نیشنل الیکٹرک پاور ریگولیٹری اتھارٹی(نیپرا) وچ جمع کرا دتی، بجلی دی قیمت ودھن نال صارفین اتے22ارب56کروڑ روپے دا ودھ بوجھ پئے گا۔نیپرا نوں کیپسٹی پیمنٹ دی مد وچ12ارب 12کروڑ روپے جدکہ مرمت تے آپریشن دی مد وچ4ارب61کروڑ روپے ودھ وصول کرن دی درخواست وی کیتی گئی اے۔ذرائع مطابق بجلی چوری تے لائن لاسز دی مد وچ6 ارب 61 کروڑ روپے جدکہ بجلی دے سسٹم دے استعمال دی مد وچ 10 ارب 24 کروڑ روپے وصول کیتے جان گے۔نیپرا بجلی کمپنیاں دی درخواست اتے14نومبر نوں سماعت کرے گا۔