اسرائیل یا غزہ وچ لڑاکا فوج گھلن دا کوئی ارادہ نہیں،امریکی نائب صدر

واشنگٹن (پنجابی میڈیا گروپ)امریکی نائب صدر کملا ہیرس نے آکھیا اے کہ امریکا اسرائیل یا غزہ وچ لڑاکا فوج گھلن دا ارادہ نہیں رکھدا۔عرب میڈیا دے مطابق معروف غیرملکی نیوزچینل دے نال انٹرویو وچ امریکی نائب صدر نے آکھیا کہ واشنگٹن خطے وچ تنازعیاں نوں پھیلن توں روکن اتے اپنیاں کوششاں اتے توجہ دے رہیا اے ، اسیں کسی وی طرح ایتھے کوئی جنگی فوج گھلن دا ارادہ نہیں رکھدے۔عرب میڈیا مطابق غیر ملکی نیوزچینل نے امریکی ذرائع دے حوالے نال اطلاع دتی اے کہ امریکی میرین کور دی کوئیک ری ایکشن فورس مشرقی بحیرہ روم ول ودھ رہی اے۔معروف امریکی چینل نے2 عہدیداراں بارے دسیا کہ 26ویں میرین ایکسپیڈیشنری یونٹ بحری جہاز یو ایس ایس باتان اتے سوار اے اوہ حالیہ ہفتیاں وچ مشرق وسطی دے پانیاں وچ کم کر رہیا سی، لیکن اوس نے ہفتے دے آخر وچ نہر سویز ولوںاپنا رستہ بنانا شروع کیتا اے۔