قومی کرکٹ ٹیم دے چیف سلیکٹر انضمام الحق ہوراں استعفی دے دتا

لہور(پنجابی میڈیا گروپ)قومی کرکٹ ٹیم دے چیف سلیکٹر انضمام الحق نے اپنے عہدے توں استعفی دے دتا۔ذرائع مطابق انضمام الحق نے چیئرمین پی سی مینجمنٹ کمیٹی ذکا اشرف نوں استعفی گھل دتا اے۔ اونہاں نے اپنے استعفی دی تصدیق وی کردتی اے۔واضح رہے کہ پچھلے دناں میڈیا اتے دسیا گیا سی کہ انضمام الحق کے اپنے تے کھیڈاریاں دے ایجنٹ طلحہ رحمانی دی کمپنی وچ شیئرز نیں جس دے مالکاں وچ محمد رضوان وی شامل اے۔ایس انکشاف دے بعد انضمام الحق اتے بطور چیف سلیکٹر مفادات دے ٹکرائو دا الزام سامنے آیا سی۔ چیئرمین پی سی پبی مینجمنٹ کمیٹی ذکا اشرف نے آکھیا سی کہ پی سی بی ایجنٹ دے نال کمپنی وچ شیئرہولڈر ہون دے معاملے وچ انضمام توں وضاحت ممنگی جائے گی۔ورلڈ کپ وچ پاکستانی ٹیم دی کارکردگی انتہائی خراب اے تے مسلسل 4میچاں وچ شکست بعد سیمی فائنل وچ رسائی تقریبا ناممکن بن چکی اے۔ ایس وچ ناقدین ولوں کپتان بابراعظم دے نال چیف سلیکٹر نوں وی تنقیددا نشانہ بنایا جارہیاسی۔