پاکستان وچ غیر قنونی وسن والیاں لئی مہلت ختم

اسلام آباد(پنجابی میڈیا گروپ)پاکستان وچ غیر قنونی وسن والیاں نوں ملک چھڈن دی مہلت اج31اکتوبر منگل نوں مک جائے گی ۔ غیر قنونی پاکستان وچ وسن والیاںبارے حکام واضح کرچکے ہاں کہ 31 اکتوبر تک پاکستان چھڈن دی ڈیڈلائن نہیں ودھائی جائے گی۔ذرائع مطابق سکیورٹی فورسز نے وڈھے پیمانے اتے میپنگ تے جیو فینسنگ کرکے مشکوک افراد دی نشاندہی کر لئی اے۔31اکتوبر بعد غیرقنونی غیرملکیاں دی منقولہ تے غیرمنقولہ جائیدادضبط کر لئی جائے گی۔یکم نومبر توں غیر قنونی وسن والیاں دی بے دخلی دا فیصلہ حتمی اے تے اوس وچ کوئی توسیع نہیں کیتی جائے گی۔دوجے پاسے نگران وزیر داخلہ سرفراز بگٹی نے واضح آکھیا کہ پاکستان وچ غیر قنونی وسن والیاں دے انخلا لئی یکم نومبر2023 دے بعد جامع آپریشن ہوئے گا۔حکومت پاکستان ولوں غیر قنونی غیر ملکیاں نوں31 اکتوبر تک پاکستان چھڈن دی ڈیڈ لائن دتی گئی اے جیہڑی اگے نہیں ودھائی جائے گی۔