اسرائیلی وزیر اعظم نیتن یاہو نے غزہ وچ جنگ بندی دا امکان مسترد کر دتا

تل ابیب(پنجابی میڈیا گروپ)اسرائیل دے وزیر اعظم بنیامین نیتن یاہو نے غزہ وچ جنگ بندی دے امکان نوں مسترد کر دتا اے۔سماجی رابطے دی ویب سائٹ ایکس اتے بیان وچ نیتن یاہو نے آکھیا اے کہ پرل ہاربر دھماکے ہوں یا نائن الیون امریکا جنگ بندی اتے راضی نہیں ہویا سی، ایہ جنگ دا ویلا اے، بائبل وچ اے اک ویلا جنگ دا تے اک امن دا، اسرائیل جنگ بندی نہیں چاہندا ایہ واضح ہونا چاہیدا اے۔اسرائیل دے وزیر اعظم نیتن یاہو نے ہور آکھیا اے کہ میں حماس تے داعش دے ات گرداں توںکہندا ہاں تسی عفریت ہو، اسیں تہاڈا تعاقب جاری رکھاں گے، اسیں تہاڈا پیچھا کردے رہواں گے، تہانوں اوس ویلے تک نشانہ بناواں گے جد تک تسی ساڈھے پیری نا پوو گے۔