سائفر کیس:چیئرمین پی ٹی آئی تے شاہ محمودخلاف سماعت7نومبر تک ملتوی

راولپنڈی(پنجابی میڈیا گروپ)اڈیالہ جیل وچ چیئرمین پی ٹی آئی تے وائس چیئرمین شاہ محمود قریشی خلاف سائفر کیس دی سماعت 7نومبر تک ملتوی کر دتی گئی۔آفیشل سیکرٹ ایکٹ تحت قائم خصوصی عدالت دے جج ابوالحسنات ذوالقرنین نے اڈیالہ جیل وچ سائفر کیس دی سماعت کیتی۔چیئرمین پی ٹی آئی تے شاہ محمود قریشی نوں کمرہ عدالت پہنچایا گیا، جدکہ سرکاری وکیل عمر اشتیاق تے محمد شرجیل وی کمرہ عدالت وچ موجود سن۔سماعت دوران سدھے جان والے 5سرکاری گواہ وی کمرہ عدالت وچ موجود سن جدکہ ایف آئی اے دی ٹیم نے ہور5 گواہواں نوں پیش کیتا، گواہواں وچ عمران سجاد، عقیل حیدر، شمعون قیصر، ایم افضل، نادر خان، اقرا اشرف، فرخ عباس، حسیب بن عزیز، شبیر تے خوشنود شامل نیں۔کیس میں سرکاری گواہواں دے بیاناں نوں کمرہ عدالت وچ ریکارڈ کرن دا باقاعدہ آغاز ہونا سی، لیکن پیش ہون والے گواہواں دے مکمل بیان قلمبند نہ ہو سکے۔