ن لیگ دے پچھلے دناں ہوناوالے اجلاس دی اندرونی کہانی سامنے آگئی

لہور(پنجابی میڈیا گروپ)پاکستان مسلم لیگ ن دے پچھلے دناں ہون والے اعلی سطح دے اجلاس دی اندرونی کہانی سامنے آگئی۔ذرائع مطابق مسلم لیگ ن نے فیصلہ کیتااے کہ اپنی ماضی دی کارکردگی نوں انتخابی بیانیہ بنایا جائے گا، مسلم لیگ ن نواز شریف دے سابقہ دور وچ بنائے جان والے منصوبیاں دی بنیاد اتے میدان وچ اترے گی، نواز شریف تے مسلم لیگ ن دے رہنما انتخابی مہم دے دوران اپنی سابقہ کارکردگی دی بنیاد اتے ووٹ مانگن گے۔پارٹی ذرائع داکہنا اے کہ اجلاس وچ فیصلہ ہویا اے کہ سب توں پہلاں مسلم لیگ ن دا انتخابی منشور تیار کروایا جائے گا، منشور دے اعلان دے بعد پارلیمانی بورڈ بنا کے ٹکٹاں دی تقسیم کیتی جائے گی، ٹکٹاں دی تقسیم دے بعد نواز شریف انتخابی مہم دے دوران جلسیاں نال خطاب کرن گے۔لیگی ذرائع دے مطابق قیادت نے9مئی دے واقعات وچ ملوث کرداراں نوں مکمل نظرانداز کردیاں ہویاں اونہاں نال کوئی گل بات نہ کرن دا وی متفقہ فیصلہ کیتا اے،9مئی دے ذمہ داراں دے نال کسی قسم دی سیاسی مفاہمت توں مکمل گریز کرن اتے وی پارٹی قیادت نے اتفاق کیتا اے۔